I Am the Future: Dore 12 bageze mu cyiciro cya gatatu cy’irushanwa, bazatoranywamo abazagera kuri Final -Amafoto

I Am the Future ni irushanwa ryo kuririmba rigamije kuzamura impano ndetse no kubaka abahanzi bashoboye b’ejo hazaza, iri rushanwa ryatangiriye mu turere twose tugize igihugu cyacu aho hakorwaga amajonjora agamije gutoranywamo bamwe bazajya mu mumwiherero ndetse kandi ari nabo bazavamo umwe wegukana irushanwa.

Kuwa gatandatu tariki 08 ukuboza 2018 habaye amarushanwa ‘I Am The Future’ aho 25 babashije gutsinda mu mbyiciro byabanje bagejejwe imbere y’Akanama nkemurampaka mu gitaramo cyabereye bwa mbere I Kigali muri Hotel des Mille colines.

Icyo gihe igitaramo cyasojwe 25 bahatanaga havuyemo 7 basezererwa hasigara 18. Kuri iyo nshuro bavuze ko abahanzi bose bahatanaga mu njyana ya Hip Hop badashobora gukomeza. Nyuma yo gushishoza, Gisaka Empire bahawe amahirwe yo kugaruka mu irushanwa.

Icyo gihe Aba baraperi bagaruwe mu irushanwa kumpamvu z’uko bari bitwaye kurubyiniro ndetse n’Uburyo batowe binyuze kuri murandasi(Interineti) k’urubuga rwa thefuturemusics.com; nkuko byatangajwe na Producer David uri mubategura iri rushanwa.

Mu ijoro ryo kuwa Gatandatu tariki 15 Ukuboza 2018 habaye isozwa ry’icyiciro cya kabiri cy’irushanwa ‘I am the future’ hamenyekana 11 bakomeje batarimo Yayeli Niyitegeka, umuramyi ubarizwa muri Kingdom of God Ministries. Gusa kwagushishoza nanone hifashishijwe urubuga thefuturemusics.com basanze yaratowe neza kubwiganze bw’Amajwi n’Uwo bari hatanye maze bamuha amahirwe yo gukomeza mu kiciro gikurikiyeho.

Kuri uyu wa 22 Ukuboza 2018 nibwo ikiciro cya gatatu cy’iri rushanwa kizongera kugarukwaho muri Hotel des mille collines   aho kwinjira bizaba ari ibihumbi 5000 Frw ahasanzwe ndetse n’Ibihumbi 10 000Frw mu myanya y’icyubahiro.

Tukwibutse ko ‘I am the future’ ari  irushanwa ngaruka mwaka rihuriza hamwe abanyempano bazwi n’abandi bashaka kumenyekanisha birushijeho impano yabo. Abahanzi bahatanamo baturuka mu bice bitandukanye by’igihugu.

Kuri iyi inshuro Uzegukana iri rushanwa azahabwa miliyoni 15 Frw anagirane amasezerano y’imikoranire n’inzu y’umuziki ya Future Records, uwa kabiri azahabwa miliyoni 7 Frw.

Reba Amafoto hano:

BISENGIMANA Yves
Liliane Umwiza
Annick IGIRIMBABAZI
GUSENGA MUNYAMPUNDU Marie France
KAGAJU Ange Rita
The Bright Five Singers
MUTIMUTIJE Yvets
MUBOGORA Desire
UWINGABIRE Rebecca
NIYITEGEKA Yayeli
UWAMAHORO Janviere
MUGISHA Lionel

Leave a Reply

Your email address will not be published. Required fields are marked *

Loading...