Kiyovu Sports yakubise ahababaza Police FC iyitsinda ibitego 2-0 Albert Mphande yikoma abakinnyi be

Ikipe ya Kiyovu Sports yakubise ahababaza Police FC iyitsinda ibitego 2-0 mu mukino w’umunsi wa 13 wa shampiyona y’u Rwanda AZAM Rwanda Premier League wabereye kuri sitade Mumena.

Kiyovu Sports Sports yari imbere y’abafana bayo ku Mumena,yatsinze Police FC yaherukaga kunyagirwa na Bugesera FC ibitego 3-1 mu mukino uheruka, maze nayo iyisengerera ibitego 2-0.

Kiyovu yatsinze Police FC ibi bitego 2 mu minota itageze kuri 3 kuko Ghislain Armel yafunguye amazamu ku munota wa 82 kuri penaliti hanyuma Nizeyimana Djuma wari wabazonze cyane ashimangira itsinzi  ku munota wa 84 atsinda igitego cya kabiri.

Umutoza wa Police FC Albert Mphande ari mu mazi abira,kuko nyuma yo gutsinda Rayon Sports igitego 1-0,atarongera gutsinda ndetse n’amahirwe yo kwegukana igikombe cya shampiyona ari kugenda ayoyoka,ibi rero byatumye uyu mutoza ukomoka muri Zambia agira uburakari bwinshi maze ashinja abakinnyi be ubugambanyi,avuga ko bari kumugambanira.

Police FC yananiwe kwambura Rayon Sports umwanya wa gatatu ku rutonde rwa shampiyona, ndetse ihita irindimuka ijya ku mwanya wa 5 n’amanota 20 mu gihe Kiyovu Sports ariyo yahise ifata umwanya wa kane  nubwo banganya amanota 20 .

Abafana ba Kiyovu Sports mu byishimo byinshi cyane.

Leave a Reply

Your email address will not be published. Required fields are marked *

Loading...