Menya byinshi utari uzi bishobora gutuma umugabo abangamira umugore we muburiri

Umugore n’umugabo nk’uko baba barasezeranye, baba barabaye umwe ariko ikijya kibaho ni uko ukubangamirana hagati yabo kutajya kubura cyane cyane iyo hagati yabo hatari ubwumvikane busesuye.

1.Mu gutera akabariro

Igihe cyose umugabo yifuza gutera akabariro atabanje gutegura umugore we, burya aba amubangamiye cyane, kuko aramubabaza kandi nawe burya bishobora kumugiraho ingaruka akaba yakomereka

2.Kwifuza ko amera nka kanaka

Rimwe na rimwe hari igihe usanga abagabo bigira ba si bindeba, ati ‘mugore wanjye kuki utagira amavangingo [ukunyara k’umugore mu gihe cy’imibonano mpuzabitsina], aha amugabo aba yifuza ko umugore we amera nka kanaka bigeze kuryamana wenda agasanga ayafite ariko mu by’ukuri ntacyo akora ngo n’umugore we ayagire.

3.Isuku nke ku mubiri

Aha nta byinshi byo kuvugaho, wowe mugabo niba uzi ko wirirwa mu kazi rimwe na rimwe k’ingufu, wataha ntiwiyuhagire, ejo bikaba uko, n’ejo bundi ye, icyumweru kikihirika, ubwo koko urumva uwo muryamanye utamubangamiye, ese ayo mashuka uryamyemo yo arasa ate?

4.Inzoga/Itabi

Niba utaha wujuje ka manyinya, kandi uzi ko umugore wawe atayinywa menya ko umubangamiye mu buriri. Ku banywa itabi bo biba ari akarusho kuko umubiri we wose uba warabaye ryo.Uretse kuba nta kindi yabikoraho ariko aba abangamiwe.

5.Kugona

Ntabwo ari abagabo benshi bagona, ariko burya umugabo ugona abangamira umugore, kabone nubwo yabimenyera ariko burya nta muntu umenyera akabi.

6.Gutaha amajoro

Uretse no kuba wamubyutsa ngo agukingurire, burya iyo utashye utinze akenshi iyo ugeze mu buriri ubangamira umugore bitewe n’ubukonje uba ukuye hanze, ugasanga we amaze nk’amasaha atanu yari yisinziriye, ukamubangamira.

7.Kutuzuza inshingano zo mu buriri

Akenshi bikunze kubaho iyo hagati y’umugabo n’umugore hari amakimbirane, icyo gihe hari ubwo umugabo amuhimisha kumwima umwanya, banagera mu buriri akaba atatera akabariro, icyo gihe umugare aba abangamiwe cyane, kuko nta yandi mahitamo aba afite, iyo bimaze igihe kirekire ashobora gufata izindi ngamba akaba yanaguca inyuma.

8.Kwitaba Telefoni

Uretse no kuba yaba ari umugore wawe, nundi muntu wese muraranye, ntabwo ari byiza kurara uvugira kuri telefoni, kuko bibangamira uburenganzira bwe. Ibi kandi bishobora gusa no kuba wazana imashini (Laptop) mu buriri ukajya mu byawe, gukoresha telefone uri ku mbuga nkoranyambaga cyangwa gusoma igitabo,… ibyo byose ukabikora akuryamye iruhande biramubangamira.

9.Kunuka mu kanwa

Mugabo niba utagira isuku yo mu kanwa, ngo numara kurya ugerageze woze amenyo, mbese nawe uba ubizi neza ko mu kanwa kawe hadafite impumpuro nziza, icyo gihe bizatera umugore wawe kugutera umugongo, nushaka no kumusoma ashobora kukwangira cyangwa akaba yabikora ariko atabyishimiye.

10.Gusambanira mu buriri bwe

Uretse no kuba yaba umugore, n’umugabo uwo ari we wese wasanga usambana n’umugore we by’umwihariko ku buriri bwe, ntabwo byakoroha, kuko biba birimo n’agasuzuguro gakabije. Mu gihe umugore yasanga umugabo we yazanye indaya cyangwa undi mugore, barimo gusambanira mu buriri bwe [umugore we], ntabwo bishobora kumuva mu mutwe kandi abifata nko kubangamirwa birenze urugero.

Leave a Reply

Your email address will not be published. Required fields are marked *