Perezida Kagame yahize abandi abatwara igihembo cy’Umunyafurika wa mbere w’umwaka.

Perezida Paul Kagame usanzwe ari Umukuru w’Igihugu cy’ u Rwanda akaba n’Umuyobozi wa w’Afurika yunze Ubumwe yahize abandi nk’Umunyafurika w’umwaka wateje imbere ubukungu kuri uyu mugabane maze ahabwa igihembo.

Iki gihembo Perezida Kagame akaba yagihawe mu bihembo bigenerwa abayobozi mu bya politiki n’ubucuruzi bizwi nka ‘All Africa Business Leaders Awards, AABLA.’

Ibi bihembo by’umwaka wa 2018 byatangiwe mu mujyi wa Gauteng muri Afurika y’Epfo, bikaba byatanzwe ku bufatanye na CNBC Africa, bigahabwa abantu bari mu myanya ifatirwamo ibyemezo bagize uruhare mu kuzana impinduka mu bukungu bwa Afurika kandi bagaragaza ubushobozi bwihariye mu bikorwa by’ubucuruzi muri iki gihe.

Nk’uko nk’uko byemezwa n’abateguye ibi bihembo bagize bati:

“Igihembo cy’umunyafurika w’umwaka cyagenewe Perezida Paul Kagame. Uyu wagihawe akazagaragara ku kinyamakuru cya Forbes Africa cyo m’Ugushyingo na Mutarama.”

Perezida Paul Kagame wahize abandi mu mwaka 2018.

Iki gihembo gisa n’ikidatunguranye kuri uyu Muyobozi tunarebeye mu ndorerwamo y’u Rwanda abereye Perezida, dore ko imyaka iyambutse Perezida Kagame ayoboye u Rwanda, ubukungu bwarwo bwakomeje kuzamuka cyane ndetse muri uyu mwaka nk’Umuyobozi wa Afurika yunze ubumwe, yabaye ku ruhembe rw’amavugurura agamije iterambere muri uyu muryango, aho yanawugejeje ku kwemezwa ku isoko rusange Nyafurika ririmbanije n’ibindi.

Mu bindi bihembo byatanzwe, icy’uwageze ku bintu by’indashyikirwa mu buzima bwe cyagenewe Sol Kerzner, Umunyafurika y’Epfo w’imyaka 83 ufite ibigo nka Kerzner International Limited, Sun International, Southern Sun Hotel Group.

Uwahawe igihembo cy’umugiraneza w’umwaka ni Sir Donald Gordon, washinze ikigo Liberty Group SA.Naho ikigo cy’umwaka muri Afurika cyabaye Ethiopian Airlines, mu gihe umuyobozi w’ikigo cy’ubucuruzi w’umwaka yabaye Peter Mountford, Umuyobozi Mukuru wa Super Group yo muri Afurika y’Epfo.

Leave a Reply

Your email address will not be published. Required fields are marked *