Uganda: Quiin Abenakyo yateguriwe ibirori na Perezida Museveni yanagize nicyo asaba abandi bakobwa

Mu minsi ishize muri irushanwa rya Nyampinga w’Isi humvikanye cyane umukobwa ukomoka mu gihugu cya Uganda Quiin Abenakyo wigaragaje cyane ndetse akereka amahanga ko ari umukobwa w’Umuhanga, ariko kandi bamwe bakanemeza ko ashobora kwegukana ririya kamba, gusa nyuma bikaza guhinduka agakubitwa inshuro n’Undi.

Kuri ubu uyu mukobwa  yateguriwe ibirori bikomeye namara kugera mu gihugu, mu bakomeye bazamwakira harimo na Perezida Yoweri Museveni.

Umuyobozi w’Ikigi cy’Igihugu gishinzwe guteza imbere ubukerarugendo muri Uganda, John SSempebwa yatangarije Chimp Reports ko Miss Abenakyo agomba kugera ku kibuga cy’indege cya Entebbe kuri uyu wa Gatatu saa saba n’igice.

Yagize ati “Twiteguye kumwakirana ubwuzu kurusha ikindicyamamare cyose mu myaka yatambutse. Akiva hariya[Entebbe] azahita yakirwan’Umukuru w’Igihugu ari nabwo ahita agirana ikiganiro n’abanyamakuru.”

Ssempebwa kandi yashimangiye ko Abenakyo nagera muri Uganda azahita ahabwa inshingano zikomeye zirimo gukomeza kwerekana isura y’igihugu cye kandi ko Leta izakomeza kumushyigikira.

Yagize ati “Tuzakomeza gushyigikira Miss Uganda, uretsekumushyigikira, ubu yamaze kugirwa Ambasaderi w’Ubukerarugendo, nubwowamushyiraho cyangwa ntumushyireho yarabikoreye. Ni umufatanyabikorwa wacuw’ingenzi.”

Miss Iradukunda Liliane waserukiye u Rwanda muri Miss World, na we yemeje ko Miss Quiin Abenakyo yagaragaje umwihariko, gusa ngo ntacyo abona uyu mugenzi we wabonetse mu bakobwa batanu ba mbere yamurushije.

Ati “Yitwaye neza, yari umukobwa ukora cyane, kuba yaragezehariye ntabwo byantunguye, yari abikwiye.”

Leave a Reply

Your email address will not be published. Required fields are marked *

Loading...